Монголын үндэсний худалдаа аж үйлдвэрийн танхимын Хөвсгөл аймаг дахь салбар танхим жижиг дунд бизнес эрхэлдэг аж ахуйн нэгжийнхээ үйл ажиллагааг дэмжин хамтран ажиллаж ирснээс хойш 15 жил болжээ. Тус байгууллага нь 200 орчим гишүүдтэй бөгөөд орон нутагт үйлдвэрлэл эрхлэгчид шинээр гишүүн болж гэрчилгээгээ гардан авлаа.
Энэ үеэр дархадын суманд ургадаг “Төхийн хужир” үйлдвэрлэгч, жимс жимсгэнийг борлуулагч, экологийн бүтээгдэхүүнээр чанамал үйлдвэрлэгч зэрэг хувиараа хөдөлмөр эрхлэгчид танхимын гишүүн болж цаашид үйл ажиллагаагаа өргөжүүлэн орон нутагт үйлдвэрлэгч бүтээгдэхүүнийг монгол улсын хэмжээнд таниулах зорилготой гэдгийг хэлж байлаа.
“Хөвсгөл аймаг дахь Худалдаа аж үйлдвэрийн танхим нь тасралтгүй үйл ажиллагаагаа явуулж гишүүн байгууллагуудыг орон нутгийн болон гадаад, дотоодын үзэсгэлэн худалдаанд оролцуулж, төсөл хөтөлбөрт хамруулан бизнес эрхлэгчдийнхээ холбогч гүүр нь болон ажиллаж ирсэн цаашид ч олон зүйлийг хийж хэрэгжүүлэхээр төлөвлөсөн” байна.