Хөвсгөл аймгийн Мөрөн сумын захад түлээ түлшний үнэ сар шинийн баяр болох гэж буйтай холбогдуулан нэмэгдэж байгаа учраас аймгийн Байгаль орчны газраас түлээний эрхийн бичгийг энэ сарын 6-аас дахин олгохоор болжээ.

Мөрөн сумын хувьд өөрөө газар нутгийн хэмжээ бага дээр нь ойн сан нөөц муу учраас бусад ойролцоох хил залгаа сумдаас гоожин авч түлээнийхээ хэрэгцээг хангаж байна. Ингэхдээ хамгийн ойрдоо 150 км орчим зайнаас түлээ бэлтгэдэг гэж худалдаачид ярьж байна.

Одоогийн байдлаар түлээний үнэ ханш яльгүй буурсан байгаа бөгөөд портер машин түлээг 130-170 мянган төгрөгийн хооронд худалдаалж байгаа бол ЗИЛ-130 машин түлээг 360 орчим мянган төгрөгийн үнэ ханштай байна. Тус аймгийн хэмжээнд жилд 200 мянгаас 250 мянган шоо метр, хэрэглээний 40 мянгаас 60 мянган шоо метр мод бэлтгэдэг бөгөөд 79 ойн мэргэжлийн байгууллага тогтмол үйл ажиллагаагаа явуулдаг ажээ.