НҮБ-ын хөгжлийн хөтөлбөр, Швейцарийн хөгжлийн агентлаг, УИХ-ын тамгын газраас хамтран хэрэгжүүлж буй "Монгол улс дахь төлөөллийн байгууллагыг бэхжүүлэх нь" төслийн хүрээнд Хөвсгөл аймгийн 23 сумын ИТХ-ын төлөөлөгч нарыг чадавхижуулах сургалтыг нийт 517 төлөөлөгчийн дунд зохион байгуулж байна. Нийт 517 төлөөлөгчийг 4 хэсэгт хуваан тус бүр 2 өдрийн сургалтыг зохион байгуулж буй бөгөөд эхний ээлжийн Рашаант, Эрдэнэбулган, Чандмань-Өндөр, Их-Уул, Тосонцэнгэл, Түнэл сумдын 126 төлөөлөгч сургалтанд хамрагдан сертификатаа гардлаа. Иргэдийн оролцоо, Орон нутгийн төсөв, санхүү, Нутгийн өөрөө удирдах ёс, Байгаль орчин, ногоон хөгжлийн чиглэлээр сургагч багшийн сургалтанд хамрагдсан 4 багш өөр өөрийн сэдвээр орон нутагт тулгамдаж буй асуудлууд болон тэдгээрийн шийдлийг оролцооны аргад тулгуурлан үр дүнтэйгээр зааж байна.