Хүйтэн сэрүүний улиралд ханиад томуугийн өвчлөл ихэсдэг бөгөөд ялангуяа бага насны хүүхдийн өвчлөл эрс өсч, томуугийн дэгдэлт өндөр байна.
Хөвсгөл аймгийн Мөрөн суманд Улсын нийгмийн даатгалын үндэсний зөвлөлөөс гаргасан тогтоолын дагуу нийгмийн даатгалтай гэрээтэй ажилладаг 7 эмийн сангаар үнэгүй эмийг олгож эхэллээ.
Мөрөн сумын Алтан өргөө, Энэрэл, Эм увидас, Таван-Эрдэнэ, Марал, Монос, Төв эмийн сангуудаар үнэгүй эмийг олгож эхэлсэн. Гэвч дараалал их байгаа учраас эмийн сангуудыг оройн 24 цаг хүртэл уртасгасан цагаар харин зөвхөн Төв эмийн санг 24 цагийн турш ажиллуулж эхэлсэн байна.
Иргэдэд эмийг олгохдоо хөнгөлөлттэй эм олгох журам, эмчийн жорыг үндэслэн олгож байгаа ажээ.