Шинэ үндсэн хууль батлагдсаны 25 жил, Гал түймэртэй тэмцэх байгууллага үүсч хөгжсөний 95 жилийн ойд зориулсан хүчит бөхийн барилдаан /2017.01.13/ Спортын ордонд боллоо.
Уг барилдааныг аймгийн ИТХ-ын дарга Г.Эрдэнэбат нээж, үг хэлсэн юм. Барилдаанд нийт 64 хүчит бөх өрсөлдөж, авхаалж самбаагаа сорьсноос Дархан-Уул аймгийн Хонгор сумын харьяат аймгийн заан С.Очирбат түрүүлж, Баянхонгор аймгийн Шинэ жинст сумын харьяат аймгийн арслан М.Төмөртогоо үзүүрлэж, Увс аймгийн Зүүнхангай сумын харьяат аймгийн заан Б.Болдбаатар, Увс аймгийн Тэс сумын харьяат аймгийн начин Л.Балдорж нар шөвгөрлөө.
