Хонгконг улсад болсон 6 улс орны хүүхэд багачуудын "Тусгай олимп", Шанхай хотноо зохиогдсон Мэдээлэл, технологийн олимпиадад манай аймгаас 5 хүүхэд амжилттай оролцоод ирлээ.
Агаарын теннисны төрөлд Жаргалант сумын А.Баттөгс, Мөрөн сумын Э.Энхбаяр нар мөнгөн медаль, ширээний теннисны төрөлд Мөрөн сумын охин А.Дэлгэрмягмар хүрэл медаль тус тус хүртлээ. Мөрөн сумын Б.Хулан дээрх олимпиадад мөн амжилттай оролцлоо.
Хүүхэд багачуудыг Хүүхэд гэр бүлийн хөгжлийн хэлтсийн дарга Ч.Дашбаяр, Дэлхийн Зөн ОУБ-ын хамт олон хамтран хүлээн авч хүндэтгэл үзүүлэн баяр хүргэн цаашид улам өндөр амжилт гаргахыг хүсэн ерөөж Өргөмжлөл гардуулсан байна.
