Сүүлийн өдрүүдэд хүйтний эрч чангарч буйтай холбогдуулан Хөвсгөл аймгийн Мөрөн сумын хэмжээнд үйл ажиллагаа явуулдаг ерөнхий боловсролын сургуулиудын хичээлийн хөтөлбөрт тодорхой зохицуулалт хийж сурагчдыг нэг цагт тарааж, нэмэлт автобусаар үйлчлэх арга хэмжээ авч байна.
Мөрөн сумын хэмжээнд 32 тээврийн хэрэгсэл нийтийн тээврийн үйлчилгээ үзүүлж байгаа боловч цаг агаар эрс хүйтэрсэн тул иргэдэд ялангуяа сурагчдад, хүүхдүүдэд хүрэлцэхгүй байгаан улмаас Нөхөрлөл зам хоршооны хот хооронд зорчих зөвшөөрөлтэй автобусуудыг түр хугацаагаар тодорхой цагуудад нэмэлтээр үйлчилгээнд гаргахаар болжээ.
Энэ нь бага насны хүүхдүүд удаан хугацаагаар унаа хүлээн зогсохгүй, явганаар явж байгаад унаж бэртэхгүй, ханиад томуу тусахгүй зэрэг олон ач холбогдолтой ажээ.