Хөвсгөл аймгийн Үйлдвэрчний эвлэлийн хорооноос бүх сумдын болон төрийн байгууллагуудын үйлдвэрчний эвлэлийн хороон дарга, удирдах ажилтнуудын дунд "Зохист хөдөлмөр-Үйлдвэрчний эвлэл" сэдэвт 2 өдрийн сургалт зөвлөгөөнийг зохион байгуулж байна. Энэхүү сургалт зөвлөгөөний нээлтийн үйл ажиллагаанд аймгийн ИТХ-ын дарга, ажил олгогч эздийн холбооны тэргүүн Л.Төмөрбаатар, МҮЭХ-ны дэд ерөнхийлөгч Эрдэнэбат, АЗДТГ-ын дарга Г.Төмөрбаатар нар оролцож үг хэллээ. Ирэх жил Монгол улсад Үйлдвэрчний эвлэлийн байгууллага, хөдөлгөөн үүссэний 100 жилийн ой тохиох бөгөөд уг ойг угтаж аймгийн ҮЭ-ийн хорооны дарга удирдах ажилтнуудад сургалт семинар зохион байгуулж буй аж.