"Хөвсгөл Далай ээж" нийгэмлэг ТББ Нээлттэй нийгэм хүрээлэнгийн санхүүжилтээр Мөрөн сумын зарим баг, хэсэг хариуцсан цагдаагийн үйл ажиллагаанд мониторинг хийх "Иргэнд ээлтэй цагдаа" төслийг хэрэгжүүлж байгаа юм. Одоогоор уг төслийн судалгааны ажил дуусч баг хэсгийн цагдааг үнэлэх шалгуур үзүүлэлтийг гаргасан бөгөөд иргэдийн онооны картаар үнэлэх аж. Уг үнэлгээг хийх 6 багийн 12 иргэнийг сургах 1 өдрийн сургалт Аймгийн ИТХ-ын Иргэний танхимд өнөөдөр болж байна.