Хөвсгөл аймгийн ИТХ-ын дэргэдэх Гэмт хэргээс урьдчилан сэргийлэх ажлыг зохицуулах зөвлөлөөс Мөрөн сумын ИТХ, ГХУСАЗЗ, Мөрөн сумын 14 багийн Засаг дарга нар болон, багуудын зохион байгуулагч нартай уулзалт хийлээ. Уулзалтанд аймгийн Цагдаагийн газрын дарга Н.Батбаяр, Прокурорын газрын дарга Н.Ганболд, ГХУСАЗЗ-ын нарийн бичгийн дарга Т.Ууганбаяр нар оролцож мэдээлэл өгч, цаашид юунд анхаарч хамтран ажиллах талаар ярилцлаа. Энэ үеэр ЦГ-ын дарга 2016 оны эхний 8 сарын байдлаар Хөвсгөл аймагт гарсан гэмт хэргийн гаралт, зонхилон үйлдэгдэж буй гэмт хэрэг, түүний шалтгаан нөхцөл, цагдаагийн газраас авч хэрэгжүүлж буй үйл ажиллагааны талаар мэдээлэл өгсөн байна. Гэмт хэрэг зөрчлөөс урьдчилан сэргийлэх ажилд багуудын үүрэг оролцоо их бөгөөд аймгийн хэмжээнд үйлдэгдэж буй нийт гэмт хэргийн дийлэнх хэсэг нь Мөрөн сум, түүний хил залгаа сумуудад гарч буй бөгөөд багуудын засаг дарга, хэсгийн зохион байгуулагч нар хуулийн байгууллагуудтай идэвхитэй хамтран ажилласнаар гэмт хэрэг зөрчлөөс урьдчилан сэргийлэх, илрүүлэлтийг нэмэгдүүлэх боломжтой юм.
Хөвсгөл аймгийн хэмжээнд гарсан гэмт хэргийн гаралт эхний 8 сарын байдлаар:
•2016
ОНЫ ЭХНИЙ 8
САРЫН БАЙДЛААР ХӨВСГӨЛ АЙМАГТ 511 ГЭМТ ХЭРЭГ БҮРТГЭГДСЭН НЬ ӨМНӨХ
ОНЫ МӨН ҮЕЭС 19
БУЮУ 3,6
ХУВИАР БУУРСАН ,
•ЗАХИРГААНЫ
ЗӨРЧИЛ 6814
БҮРТГЭГДЭЖ ӨМНӨХ ОНЫ МӨН ҮЕТЭЙ ХАРЬЦУУЛАХАД 28,8
ХУВИАР БУУРСАН ҮЗҮҮЛЭЛТ ГАРСАН БА ГЭМТ ХЭРЭГ ЗӨРЧЛИЙН УЛМААС 1221
ХҮН ЭРҮҮЛЖҮҮЛЭГДСЭН БАЙНА
Аймгийн
төвд үйлдэгдсэн зөрчлийн дийлэнхи хувийг архидан согтуурч жижгээр танхайрсан
зөрчил эзэлж байна. Зөрчлийн улмаас 1221 хүн эрүүлжүүлэгдсэний 1117 нь аймгийн
төвд зөрчил гаргаж эрүүлжүүлэгдсэн ба 15
хүн захиргааны журмаар баривчлагдсан байна.
