Улаанбурхан өвчин улс даяар дэгдсэнтэй холбоотойгоор 18-30 насны залуусыг Улаанбурхан-Улаануудын эсрэг нэмэлт дархлаажуулалтад хамруулах “УЛААНБУРХАНЫ ЭСРЭГ ХАМТДАА” аяныг тавдугаар сарын 12-ны өдрөөс орон даяар эхлүүлэн тус сарын 31-ний өдрийг дуустал үргэлжилсэн билээ.

Дархан-Уул аймгийн хэмжээнд 18 мянган хүн нэмэлт дархлаажуулалтад хамрагдах статистик үзүүлэлт гарсан. Үүнээс 16497 хүн буюу 91.7 хувь нь аянд хамрагдсан байна. 

Өнөөдрийн байдлаар Улаабурханы өвчлөл эрс буурсан гэдгийг аймгийн ЭМГ-аас бидэнд мэдээллээ. Халдвартын тасагт одоогоор 1-14 насны дөрвөн хүүхэд хэвтэж байгаа ба тус тасаг бусад өвчтөнүүдээ хүлээн авч үйл ажиллагаагаа хэвийн явуулж байна. Зургаадугаар сар гарснаар аймгийн хэмжээнд 25 өвчлөл илэрч нийт 2200 тохиолдол бүртгэгджээ.