Хөвсгөл аймагт төрийн албаны мэргэжлийн шалгалтыг 5 сарын 5-нд авах бөгөөд 10 дэс түшмэл, 7 туслах түшмэл нийт 17 ажлын байр зарлагджээ.
Ажлын байрны тухай дэлгэрэнгүй мэдээллийг төрийн албаны болон төрийн албаны салбар зөвлөлийн цахим хуудсанд нээлттэй зарлажээ. Ажлын байрыг нөөцөд 10 хоног нээлттэй зарласан боловч нөөцөөс хангагдаагүй тул ийнхүү иргэдэд зарласан байна. Шалгалтын бүртгэл 5 сарын 2,3-нд явагдаж шалгалтыг цахимаар авах ажээ. Ажлын байрны талаархи мэдээллийг МУ-ын төрийн албаны зөвлөлийн www.csc.gov.mn сайтаас авах боломжтой.