Хөвсгөл аймгаас нэмэгдсэн  өртгийн албан татварын хууль хэрэгжиж эхэлсэнээс хойш 373 азтан тодорчээ.

Азтанууд дотроос Мөрөн сумын  Тэвхэн, Бүтэн оргил дэлгүүрүүдээс гүйлгээ хийсэн 2 азтан тус бүр 500 мянган төгрөгийг хожсон байна. Мөрөн сумын томоохон худалдааны төвүүд баримт хэвлэж буй бол гэр хорооллын болон захын дэлгүүрүүд баримт хэвлэх машинаа аваагүй байгаа учраас иргэдэд баримт өгөхгүй байна. Гэхдээ иргэд ихэвчлэн НӨАТ-ын баримт хэвлэх дэлгүүрээр үйлчлүүлж сугалаанд оролцож азаа үзэх сонирхолтой байгаа боловч нэг талх, гурил авахын тулд төв орход хүндрэлтэй тул арга буюу баримтгүй цэгээр үйлчлүүлж байна.