Манай аймгийн нутгаар дамжин тавигдах Эрдэнэт овоотын төмөр замын талаар proactiveinvestors.com сайтад гарсан мэдээллээс иш татан Ikon.mn сайт мэдээлснийг та бүхэнд хүргэж байна.
Монголд нүүрсний ба төмөр замын төсөл хэрэгжүүлж буй Aspire Mining компани Хятадын банкны зээлийн санхүүжилтээр төслийн эхний шатны үйл ажиллагааг санхүүжүүлэхээр ажиллаж байна. Уг үйл ажиллагаанд Aspire Mining-ийн охин компани болох Northern Railways ХХК нь China Railways Construction Bureau 20 Group-тэй хамтран оролцож байгаа юм.
Aspire-ийн захирал David Paull “Монгол Улсын Засгийн газар CRCB20G болон Улаанбаатар Төмөр Зам ХХК-ийн хамтын дэмжлэгтэйгээр Эрдэнэт-Овоот- Арц Суурийн чиглэлийн төмөр зам нь Хятад ба Оросыг холбосон эдийн засгийн корридор болоход ахиц гарч байна” гэжээ.
Төсөл бүрэн хүчин чадлаараа хэрэгжихэд жилд 30 сая тн түүхий эд, хөдөө аж ахуйн бүтээгдэхүүн, зорчигч тээвэрлэх Хятад Оросыг холбосон транзит тээвэр хийх боломжтой төмөр зам бий болох юм.
Эх сурвалж: www.ikon.mn