Монгол улсад барилгын салбар үүсч хөгжсөний 90 жилийн ой тохиож байгаа билээ. Энэхүү ойн хүрээнд Хөвсгөл аймгийн барилгын салбарын удирдах ажилтан ажилчдын зөвлөгөөн өнөөдөр буюу 2016.03.02 ны Лхагва гарагт Нутгийн удирдлагын ордны Соёмбо танхимд 10:00 цагт эхэллээ. Зөвлөгөөнд Газрын харилцаа барилга хот байгуулалтын газар, барилгын салбарт үйл ажиллагаа явуулж буй барилгын компаниуд, зураг төсөв хийгчид, тус салбарын үе үеийн ахмадууд оролцож байна. Зөвлөгөөнийг нээж аймгийн ИТХ-ын дарга Т.Болдбаатар, Засаг дарга А.Эрдэнэбаатар нар мэндчилгээ дэвшүүлж зөвлөгөөний үйл ажиллагаанд амжилт хүссэн байна. Зөвлөгөөний үеэр өндөр бүтээлийн шилжин явах туг гардуулах, барилга угсралтын салбарын өнөөгийн байдал, тулгамдаж буй асуудлуудаар илтгэлүүд тавигдаж хэлэлцүүлэг өрнүүлэх ажээ. Мөн Ж.Баасанжавын нэрэмжит Аймгийн ХДТ-т баярын концерт явагдана.