Хөвсгөл аймгийн Ханх сумын Сантын даваа цас орсны улмаас хоёр талаасаа зорчих боломжгүй бүрэн хаагдсаныг АЗЗА компаний хамт олон түргэн шуурхай ажиллаж зорчих хэсгийг бүрэн нээжээ.
Тус аймгийн нийт нутгаар цасан бүрхүүл тогтсон бөгөөд одоогоор өвөлжилт хүндэрсэн сум байхгүй нэмж цас орвол өвөлжилт хүндрэх төлөвтэй сумын тоонд Цагаан-Үүр, Улаан-Уул, Рэнчинлхүмбэ, Эрдэнэбулган, Галт, Жаргалант зэрэг сумд багтаж байгаа гэнэ.
Өнөөдрийн байдлаар өвс тэжээлийн татан авалт 78 хувьтай, тэжээлийн хангамж 83 хувьтай, өвстэжээлийн аюулгүйн нөөц 52 хувьтай байгаа бөгөөд аймгийн хэмжээнд отроор 16 сумын 1140 малчин нүүдэллэж байгаа ажээ.