Байрны дотор давхар бүрт, мөн гадна талд байрны 4 буланд тус бүр нэг нэг гээд нийт 20 камерыг байршуулжээ. Мөн камерын хяналтын системийн 24 цагийн байнгын ажиллагааг хангах, хянах үүргийг тус байрны СӨХ болон оршин суугчдын удирдах зөвлөл, багийн цагдаагийн хэлтэс хариуцан ажиллах бөгөөд нээлтийн үеэр Х.Батбаяр тэргүүлэгч тэдэнд хүлээлгэн өглөө. Уг ажилд нийт 6 сая гаруй төгрөгийн санхүүжүүлт шаардагдсан байна.

Саяхныг хүртэл Монгол улсын хамгийн өндөр барилга хэмээн нэрлэгддэг байсан 16 давхар нь өдгөө Дархан-Уул аймгийн 8 бахарлын нэгээр тодорсон юм. Уг барилга нь нийтийн эзэмшлийн орон сууны зориулалтаар ашиглагддаг бөгөөд өнөөдрийн байдлаар 171 өрхийн 800 гаруй оршин суугч амьдардаг байна.Нийт оршин суугчдын 70 гаруй хувь нь түрээслэгч тэр дундаа оюутнууд амьдардаг учраас хөл хөдөлгөөн ихтэй, гэмт хэргийн гаралт өндөр байдаг тухай 12 дугаар багийн цагдаагийн хэлтсийн байцаагч болон оршин суугчид хэлж байна. Тиймээс 16 давхар байрыг иж бүрэн камержуулснаар оршин суугчид орой үдэш амар тайван орж гарах боломж нэмэгдэхбөгөөд тус байрны цахилгаан шатны хэвийн ажиллагаа болон эд ангийн бүрэн бүтэн байдлыг хамгаалахад камерын хяналтын систем ихээхэн ач холбогдолтой юм.