Өнөөдөр 17.00 цагт Хөвсгөл аймгийн Засаг дарга А.Эрдэнэбаатар 2016 оны төсвийн төслийг аймгийн ИТХ-ын дарга Т.Болдбаатарт өргөн барилаа. Монгол улсын төсвийн тухай хуулинд заасны дагуу 2015.12.03 нд хуралдах аймгийн иргэдийн төлөөлөгчдийн ээлжит 13-р хуралдаанаар уг төсвийн төслийг хэлэлцэнэ. Аймгийн ИТХ-ын дарга Т.Болдбаатар хэлэхдээ улс орны эдийн засаг хүнд хэцүү байгаа хэдий ч аймаг орны өмнө тулгамдаж буй олон асуудлыг шийдвэрлэх талаас төлөөлөгчид хэлэлцэж шийдвэрлэнэ гэдгийг тодотголоо. Төсвийн төсөл өргөн барих үйл ажиллагаанд аймгийн ЗДТГ-ын дарга Төмөрбаатар, Санхүү төрийн сангийн хэлтсийн дарга Сувд, Төрийн захиргаа удирдлагын хэлтсийн дарга Х.Цэнд-Аюуш нар оролцлоо.