Дархан сумын 15 дугаар сургууль нь замын хөдөлгөөний аюулгүй байдалтай холбоотой олон ажлуудыг жил бүр ДУА-ын ЦЕГ-н Замын цагдаагийн тасагтай хамтран явуулдаг. Энэ удаад ЗЦТ болон  ДДЦС төрийн өмчит ХК-ний Чанарын удирдлагын тогтолцооны дагуу  хэрэгжүүлэх ажлын хүрээнд ДДЦС-тай хамтран “Бага насны хүүхдийн замын хөдөлгөөний аюулгүй байдал” сэдэвт сургалтыг зохион байгуулж 5 дугаар ангийн 110 гаруй сурагчийг хамрууллаа. Car doctor ХХК, ЗЦТ, ДДЦС-ын хамт олны зүгээс 2 төрлийн 40 ш ном, “Шүгэл хүүгийн адал явдал” нэртэй бага насны хүүхдийн сонирхолыг татахуйц кино зэргийг хичээл сургалтанд ашиглах, танин мэдүүлэх зорилготойгоор бэлэглэсэн байна. Мөн энэ ажлын хүрээнд 15 дугаар сургуулийн зүүн талын авто зам дагуу хашлагыг хийж байгаа ба 11 дүгээр сарын 23-ны өдөр хүлээлгэж өгөх юм.