Тариалан сумын ИТХ-ын дэргэдэх Гэмт хэргээс урьдчилан сэргийлэх ажлыг зохицуулах салбар зөвлөлийн санаачилгаар, аймгийн ИТХ-ын дэргэдэх ГХУСАЗЗөвлөлийн дэмжлэгтэйгээр 2015 оны 11 дүгээр сарын 27-ны өдөр “Байгаль хамгаалах журмын эсрэг болон мал хулгайлах гэмт хэрэгтэй тэмцэх, урьдчилан сэргийлэх ажил”-ын чиглэлээр туршлага солилцох зөвлөгөөнийг зохион байгуулахаар төлөвлөн ажиллаж байна. Уг зөвлөгөөнд Хөвсгөл аймгийн Тариалан, Их-Уул, Рашаант, Эрдэнэбулган, Тосонцэнгэл сумд, Булган аймгийн Тэшиг, Хутаг-Өндөр, Баян-агт сумдуудын төлөөлөл оролцоно. Уг зөвлөгөөний зорилго нь Тариалан сумын нутаг дэвсгэрт болон хил залгаа оршдог сумдад гарч буй Байгаль хамгаалах журмын эсрэг гэмт хэрэг болон мал хулгайлах гэмт хэргээс урьдчилан сэргийлэх ажлын сайн туршлага солилцох, хамтран ажиллах, урьдчилан сэргийлэх ажилд иргэдийн оролцоог нэмэгдүүлэхэд оршиж байгаа юм.