Өнөөдөр Чингүнжавын талбайд Хөвсгөл хөгжил сангааас аймгийн нэгдсэн эмнэлэгт иж бүрэн тоноглосон түргэн тусламжийн автомашин, мөн аймгийн төв Мөрөн хотын 13 багаас амьдралын хүнд нөхцөлд амьдарч байгаа, өөрийн гэр оронгүй 13 өрхөд болон тусламж нэн шаардлагатай байгаа 2, нийт 15 гэр бүлд өргөө цагаан гэр хандивлалаа. Уг үйл ажиллагаанд Хөвсгөл аймгийн ИТХ-ын дарга Т.Болдбаатар, Хөвсгөл хөгжил сангийн тэргүүн Л.Мөнхбаатар, аймгийн засаг даргын орлогч М.Очирухяг, ЗДТГ-ын дарга Төмөрбаатар, Мөрөн сумын дарга Л.Гансүх нар оролцлоо. Хөвсгөл хөгжил сангаас түүнчлэн Хөвсгөл аймгийн бүх өрхөд өрхийн эмийн санг бэлэглэнэ гэдгийг энэ үеэр хэлж байлаа.