Хөвсгөл аймгийн зүүн сумдыг хамарсан "Мөнгөн цагираг"  аялал жуулчлалын маршрутыг хэрхэн хөгжүүлэх талаар санал солилцох, Байгаль орчин, ногоон хөгжил, аялал жуулчлалын яаманд хамтарсан санал хүргүүлэх зорилгоор 2015.10.23-нд Хөвсгөл аймгийн Эрдэнэбулган суманд зөвлөгөөн зохион байгуулахаар болсон байна. Тус зөвлөгөөнд Алаг-Эрдэнэ, Чандмань-Өндөр, Цагаан-Үүр, Эрдэнэбулган, Тариалан, Түнэл сумдын ИТХ-ын тэргүүлэгчид, Засаг дарга нар оролцох бөгөөд дээрх сумдаас оролцогчид өөрийн сумдын байгаль орчин, соёлын өв, дэд бүтцийн судалгаагаа танилцуулахаас гадна аялал жуулчлал хөгжүүлэхэд тулгамдаж буй асуудал, аялал, жуулчлалын шинэ брэнд бүтээгдэхүүн, эвент арга хэмжээг хэрхэн бий болгох зэрэг өргөн хүрээтэй асуудлуудыг хэлэлцэж шийдвэр гаргана.