Хөвсгөл аймаг 125 багтай бөгөөд эдгээрээс 88 нь хөдөөгийн баг юм. Төрийн үйлчилгээг багт нь хүргэх үүднээс эдгээр 88 багт Иргэдийн төлөөлөгчдийн хурал, аймгийн ЗДТГ, Байгаль орчны газар, ХДТ-ын уран бүтээлчид, газрын албаны ажилтан, эрүүл мэндийн үйлчилгээ үзүүлэх эмч нарын баг, сумдын ЗДТГ-ын холбогдох ажилтнууд хамтран төрийн үйлчилгээг хүргэлээ. Иргэдийн зүгээс тэр бүр хөдөө баг дээр явагддаггүй олон төрлийн үйлчилгээ нэг дор хүрч буйд талархал илэрхийлж байсан бөгөөд эрүүл мэндийн үйлчилгээнд иргэд сэтгэл хангалуун байлаа. ИТХ-ын зүгээс 3 чиглэлээр явсан уг хөтөлбөрийн баг бүрт холбогдох хүмүүсээ илгээж ИТХ-аас хийж хэрэгжүүлж байгаа ажлынхаа талаар болон гэмт хэргээс урьдчилан сэргийлэх чиглэлээр ард иргэдэд мэдээлэл өгч ажиллалаа. Мөн засаг даргын мөрийн хөтөлбөрийн биелэлтэд хяналт тавих төслийн хүрээнд иргэд олон нийтээс судалгаа авч иргэд олон нийттэй ууулзалт ярилцлага хийлээ.