Хангайн бүсийн аймгуудын ИТХ-ын ажлын албаны "Хамтын ажиллагаа, тэргүүн туршлага" уулзалт зөвлөгөөн 2015.09.18-20 -ны өдрүүдэд Архангай аймагт амжилттай зохион байгуулагдлаа. Архангай, Орхон, Булган, Хөвсгөл, Өвөрхангай, Баянхонгор аймгуудын ИТХ-ын ажлын албаны 70 гаруй хүн оролцсон уг арга хэмжээний хүрээнд хамтын ажиллагаа, тэргүүн туршлагаа солилцох уулзалт зөвлөгөөн, спортын тэмцээн, Цэцэрлэг хот, түүний бүтээн байгуулалтын ажилтай танилцах аялал зэрэг сонирхолтой хөтөлбөрүүд олон байсан бөгөөд аймаг бүр өөр өөрийн онцлог, давуу талаа үйл ажиллагаандаа хэрэгжүүлж ажиллаж буй нь харагдаж байлаа. Ирэх жил зохион байгуулагдах уг уулзалт зөвлөгөөнийг Баянхонгор аймаг зохион байгуулахаар болсон байна. Уг арга хэмжээг өндөр түвшинд зохион байгуулсан Архангай аймгийн ИТХ-ын ажлын албаны нийт хамт олонд талархал илэрхийлье.