Нийгмийн халамж, дэмжлэг хүссэн иргэдийн өргөдөл, хүсэлт дүүргийн Иргэдийн Төлөөлөгчдийн Хурлын дарга, Засаг дарга, Засаг даргын Тамгын газарт байнга ирдэг билээ.
Дүүргийн Иргэдийн Төлөөлөгчдийн Хурал нь ирсэн өргөдөл, хүсэлтийг холбогдох хэлтэс, албадаар судлуулсны үндсэн дээр сургууль, цэцэрлэгт оруулах, Олон улсын байгууллагын дэмжлэгт туслалцаанд хамруулах зэргээр шийддэг юм. Иргэдийн өргөдөл хүсэлтийн зонхилох хувь нь орон байрны дэмжлэг туслалцаа хүссэн байдаг.
Тэдний нэг болох 18 дугаар хорооны иргэн З.Бадрахын гэр бүлд дүүргийн Засаг даргын гарын үсэг бүхий өргөө цагаан гэрийн батламжийг Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэ өнөөдөр гардуулан өглөө.