Хан-Уул дүүргийн ИТХ-ын дарга Д.Батбилэг тэргүүтэй ажлын албаны хамт олон, болон тэргүүлэгч, төлөөлөгчид Хөвсгөл аймагт 2 өдөр ажиллалаа. Тус дүүрэг нь Хөвсгөл аймгийн Алаг-Эрдэнэ сумтай хамтын ажиллагааны гэрээ өнгөрсөн онд байгуулан ажиллаж байна. Тус дүүрэг нь Улаанбаатар хотын үйлдвэрлэл, үйлчилгээ хөгжсөн сүүлийн жилүүдэд бүтээн байгуулалт, хөрөнгө оруулалтын ажлууд ихээр хийгдэж хүн амын төвлөрөл суурьшил хамгийн эрчимтэй өсч буй дүүрэг билээ. Ижил зорилготой байгууллагын хувьд бие биенээсээ харилцан туршлага солилцох, хамтран ажиллах сонирхол байгааг талууд илэрхийлэн аймгийн ИТХ-ын үйл ажиллагаатай танилцсан байна.