Ардын хувьсгалын баяр наадмаар наадамчин олны гол ярианы сэдэв хүчит бөхчүүд, шандаст хүлгүүдийн тухай байдаг билээ. Бүтэн жилийн хөдөлмөрөө үнэлүүлэн цол нэмж наадмын түрүүг авах нь бөх хүн бүрийн зорилго билээ. Энэ жил аймгийн баяр наадамд зодоглох хүчит бөхчүүд маань Өгөөмөр тур жуулчны баазад бэлтгэлээ хангаж байна. "Хоймор нутгийн дэвжээ" бөхийн галын хүчитнүүдийн бэлтгэл сургуулилт, наадмын сорилго барилдааныг үзэж сонирхохоор аймгийн ИТХ-ын. дарга Т.Болдбаатар, аймгийн Засаг даргын орлогч М.Очирхуяг нар хүрэлцэн очиж хүндэтгэл үзүүллээ. ИТХ-ын дарга Т.Болдбаатар жил бүрийн наадамын бэлтгэлд гарсан бөхчүүдээ тогтмол эргэж хүндэтгэл үзүүлдэг бөгөөд энэ жилийн  хувьд бөхчүүд  бэлтгэл сургуулилт жигдрэн өнгөтэй, сайхан байгаа цол ахих, цолонд хүрэх залуу бөхчүүд олон байгаа талаар дасгалжуулагч Хүрэлбаатар ярьж байлаа.