Хөвсгөл аймгийн хөлбөмбөгийн холбооноос аймагтаа анх удаа зохион байгууласан хөлбөмбөгийн лигийн тэмцээн 2 сар шахам хугацаанд үргэлжилж оролцсон 6 багийн хооронд гал гаргасан олон сайхан тоглолтууд явагдсаар өнөөдөр сүүлийн 2 тоглолт явагдаж ялагчдаа тодрууллаа. Эхний тоглолт 0321-р анги-Хилэнт Мөрөн багуудын хооронд явагдаж Хилэнт мөрөн багийн ялалтаар өндөрлөсөн байна. Ингэснээр Хилэнт Мөрөн баг энэ жилийн хөлбөмбөгийн лигийн тэмцээний аварга багаар тодорлоо. дараагийн тоглолт Хөвсгөл зам-Соёмбо багуудын хооронд явагдаж эхний хагаст Хөвсгөл зам 1 гоол оруулсан бөгөөд тэмцээний 2-р хагаст дахин нэг гоол өрсөлдөгчийнхөө хаалганд оруулсан ба тэмцээний үндсэн цаг дуусахад талбайн шүүгч дахин 5 минутын цаг өгсөн боловч өрсөлдөгч Соёмбо баг гоол оруулж чадсангүй. Ингээд 2:0 -ийн харьцаатайгаар Хөвсгөл зам баг тэмцээний 3-р байр буюу хүрэл медалийн болзол хангасан байна. Лигийн тэмцээний ялагчдын шагналыг аймгийн баяр наадмын үеэр Хөвсгөл аймгийн Урлаг, спортын наадмын шилдгүүдтэй хамтад нь  гардуулах юм байна.