Хөвсгөл аймгийн ИТХ-ын ажлын албанаас долоо хоног бүрийн Пүрэв гарагийн 16 цагаас тогтмол мэдээлэл, сургалтын цагтай болсон. Энэ цагт ажлын албаны ажилтан бүр ээлжээр мэдээлэл, сургалт сурталчилгааны ажлыг зохион байгуулан бусаддаа түгээдэг болоод багагүй хугацаа өнгөрч байна. Энэ 7 хоногийн Пүрэв гарагийн сургалтыг урилгаар Дэлхийн Зөн Монгол ОУБ-ын Хөвсгөл Орон нутгийн Хөгжлийн хөтөлбөрийн менежер Х.Баярсайхан "Таны ажилдаа шилдэг байхад шаардлагатай 5 зан чанар" сэдвээр сонирхолтой сургалт зохион байгууллаа. Ажилдаа чин сэтгэлээсээ хандаж хэрхэн өөрийгөө хөгжүүлэн хамт олонтойгоо гар нийлэн амжилттай ажиллах талаарх сонирхолтой тус сургалт бидний цаашдын ажилд сайн үр нөлөөг авчрах нь дамжиггүй. Ирэх 7 хоногийн сургалтыг Төсөв санхүү, үйлдвэрлэл өмчийн харилцааны хэлтсээс зохион байгуулна.