УИХ-ын гишүүн Ц.Даваасүрэн энэ 7 хоногт Хөвсгөл аймагт ажиллаж байна. Тэрээр өнөөдөр өөрийн санаачлан эхлүүлж байсан Дулааны цахилгаан станцын үйл ажиллагаатай танилцлаа. Жил бүрийн өвөл  уурын зуухны утаа Мөрөн хотын агаарын бохирдлыг бий болгодог байсан бол тус Дулааны цахилгаан станц ашиглалтанд орсноор уг асуудал шийдэгдсэн билээ. УИХ-ын гишүүн Ц.Даваасүрэн, аймгийн ИТХ-ын дарга Т.Болдбаатар нар өнөөдөр тус станцын үйл ажиллагаатай танилцаж, инженер, ажилтнуудтай уулзаж тэдний санал сэтгэгдлийг сонсон цаашдын ажилд нь амжилт хүслээ.