Тус омгийн адууг Ренчинлхүмбэ, Цагааннуур, Улаан Уул сумын нутагт өсгөж үржүүлж, уналга, эдэлгээнд ашигласаар иржээ. Дархад бие томтой, бахим богино хүзүүтэй, хэвлий томтой, цээж томтой, шулуун урт биетэй, булчин махны хөгжил сайтай, арьс зузаан, алхаа гишгээ тайвуу, өтгөн дэл хөөвөртэй байдаг. Энэ адууны зс ихэнхдээ цайвар, бүгээн учир нутагшлаар нь дархад адуу гэж нутгийнхан нэрлэсээр ирсэн. Өндөр уулын хатуу ширүүн нөхцөлд дасан зохицох чадвар сайтай. Далайн төвшнөөс дээш 2000 метр өндөрт өргөгдсөн тйгын болон уулын бүс нутагт дан бэлчээрээр онд ордог. 40-60 см зузаан цасанд бэлчээрлэж идэш тэжээлээ олж иддэг. Нутгийн ардууд уг адууны зүтгэх чадварыг ашиглаж ирсэн бөгөөд 1990 он хүртэл Хөвсгөл далайн мөсөн замын тээвэрт ашиглаж байсан байна. Энэ омгийн адуу нь сүүний гарцаар бусад омгийн адуунаас илүү байдаг. Тухайлбал Монгол адууны нэг удаагийн саам 350-500 мл бол дархад гүүнийх 500-800 мл байдаг байна. Дархад адууны үржлийн цөс сүрэг Хатгал, Улаан-уул, Ренчинлхүмбэ сумын нутагт байгаа бөгөөд өсгөн үржүүлэхээр анхааран ажиллаж байна. Энэ жил Хөвсгөл аймагт Дархад адууны баяр, хурдан морьны уралдааныг зохион байгуулах юм байна.