Өчигдөр буюу 2015.05.11 нд Хөвсгөл аймгийн Бүрэнтогтох суманд Хүүхдэд ээлтэй "Архигүй орчинд амгалан тайван амьдарцгаая" сэдэвт 3 сарын аян амжилттай зохион байгуулагдаж тус аяны хүрээнд хийсэн ажлаа дүгнэлээ. Аяны хүрээнд сум орон нутагт хүүхдэд ая тухтай орчинг бүрдүүлэх, архи согтууруулах ундааны хэрэглээг багасгах, гэмт хэрэг, зөрчилгүй гэр бүл, хамт олон, байгууллага, баг болох хөдөлгөөн өрнүүлж, тодорхой бодит үр дүн гаргахын тулд сумын ИТХ, ГХУСАЗСЗ болон төрийн бус байгууллага, иргэд, төсөвт байгууллагууд хамтран ажиллаа. Аян өрнөх хугацаанд олон чиглэлийн ажил зохион байгуулж, тодорхой үр дүн гарсан нь харагдаж байв. Тодруулбал, Архи, согтууруулах ундааны хэрэглээ багассан, архи, согтууруулах ундаа худалдан борлуулдаг цэгүүдийн татан авалт нь буурсан, нийтийг хамарсан ажилд иргэд идэвхтэй оролцдог болсон. Баг, байгууллагуудын хамтын ажиллагаа сайжирсан, гэмт хэрэг, зөрчлийн гаралт өмнөх оны мөн үеэтэй харьцуулахад буурсан зэрэг үр дүн судалгаагаар харагдаж байлаа. Энэхүү аяныг санаачилан ажиллаж үр дүнд хүрсэн сумын ИТХ, ГХУСАЗСЗ, төрийн бус байгууллага, иргэдэд талархал илэрхийлье.