Орон нутгийн 51%-ийн өмчит Могойн гол ХК-ийн хувьцаа эзэмшигчдийн хурал 2015.04.28-ны өдөр Цэцэрлэг суманд боллоо. Тус хуралд төрийн төлөөлөл болох 51%-ийг төлөөлж ИТХ-ын төсөв санхүү, үйлдвэрлэл, өмчийн харилцааны хэлтсийн дарга Д.Лхагвасүрэн, хувьцаа эзэмшигчдийг төлөөлж Ж.Батболд, Н.Сүлдчимэг, Т.Бат-Очир, Г.Бадрал-Эрдэнэ, Д.Амгалан нар оролцлоо. Хувьцаа эзэмшигчдийн хурлаар:
1. Компанийн 2014 оны үйл ажиллагааны болон санхүүгийн тайлангийн талаарх ТУЗ-ийн дүгнэлт
2. Компанийн дүрмийн шинэчилсэн найруулгыг хэлэлцэж батлах
3. Компанийн ТУЗ-ийн 2014 оны зардлын төсвийн гүйцэтгэл болон 2015 оны төсвийн тухай
4. Компанийн ТУЗ-ийн гишүүдийг сонгох
5. Компанийн ногдол ашгийн талаар гаргасан ТУЗ-ийн шийдвэрийг тус тус хэлэлцэж холбогдох шийдвэрүүдийг гаргасан байна.