Хөвсгөл аймагт анх удаа зохион байгуулагдаж буй хөлбөмбөгийн лигийн аварга шалгаруулах тэмцээн өнөөдөр буюу 2015.04.25 ны өдөр эхэллээ. Тэмцээний салхийг хагалж Соёмбо-Хилийн цэргийн 321-р ангийн багууд тоглож Соёмбо лигийн анхны ялалтааа авсан байна. Тэмцээний шүүгчээр Монголын Хөлбөмбөгийн холбооны мэргэжлийн шүүгч нар ажиллаж байна. Талбайн шүүгчээр Ч.Жавхлантөгс /ОУХБХ-ны шүүгч, МХБХ-ны 1-р зэрэглэлийн шүүгч/, Туслах шүүгчээр Д.Түмэнбаяр /ОУХБХ-ны шүүгч, МХБХ-ны 1-р зэрэглэлийн шүүгч/, Туслах шүүгч Э.Нямсайхан /МХБХ-ны 3-р зэрэглэлийн шүүгч/ нар ажиллаж байна. Тэмцээний 2 дахь тоглолт Хөвсгөл зам-Нандин багуудын хооронд явагдаж Нандин баг 2:1 -н харьцаагаар өрсөлдөгчөө буулган авлаа. Өнөөдрийн сүүлийн тоглолт Хилэн мөрөн-Андууд багуудын дунд явагдаж байна. Лигийн тэмцээний цуврал тоглолтууд долоо хоног бүрийн Бямба гарагт аймгийн хөлбөмбөгийн холбооны стандарт ногоон талбайд явагдана.