Дархан-Уул аймагт энэ 7 хоногт нөөцийн мах худалдаанд гарна. Үүнтэй холбогдуулан аймгийн Засаг даргын орлогчоор ахлуулсан ажлын хэсэг  мах боловсруулах үйлдвэр “Дархан меат фүүдс” ХХК-д ажиллаж, бэлтгэл ажилтай танилцлаа.
    Тус компани нь 2015 онд 1000 тн мах нийлүүлэхээр ХХААЯ-тай 2014 онд гэрээ байгуулсан байна. Гэрээний дагуу үхрийн мах 500 тн, хонины мах 300 тн ямааны мах 200 тн-ийг тус тус бэлтгэжээ.
    Нөөцийн махыг Дархан сумын 110 хүнсний дэлгүүр харъяа сумдуудад 44 хүнсний цэгээр нийт 150 гаруй хүнсний цэгээр аймгийн хэмжээнд нийлүүлэх юм байна. Жижиглэнгийн үнээрээ үхрийн мах ястай 5950, үхрийн цул мах 8500, хонины мах ястай 5750, ямааны мах ястай 4900 цул мах нь 6500 төгрөгөөр тус тус борлуулагдах юм байна.