Хөвсгөл аймгийн нийт ард иргэдийн дуу хоолой, элч төлөөлөл болон сонгогдсон 41 төлөөлөгч өөрийн тойрогтоо хийж хэрэгжүүлж буй ажлаа иргэд олон нийтэд танилцуулах боломж бүрдлээ. Аймгийн ИТХ-ын ажлын албанаас санаачлан Скай телевизтэй хамтран "Төлөөлөгч-Иргэн таны төлөөлөл" нэртэй телевизийн цуврал нэвтрүүлгийг явуулж эхлээд байна. Тус нэвтрүүлгийн эхний дугаарт аймгийн ИТХ-ын төлөөлөгч М.Ганболд, Я.Дашзэвэг нар оролцсон байна. Энэхүү нэвтрүүлгийг та бүхэн Даваа, Лхагва гарагийн 19:30, 21:30 цагуудаас, мөн Бямба, Ням гарагуудад давталттайгаар та бүхэнд хүрэхээр боллоо. Иргэд сонгогчид та бүхэн өөрийн тойргоос сонгогдсон төлөөлөгчдийн хийж хэрэгжүүлсэн ажил, хийхээр зорьж буй үйл ажиллагааны талаар дэлгэрэнгүй мэдээлэл авах боломж бүрдлээ. Нэвтрүүлэгтэй холбоотой санал хүсэлтийг ажлын албаны 7038-3330, 7038-4444 утсуудаар ирүүлэхийг хүсье.