Уг мэдээлэлд Шүүхийн үйл ажиллагааг олон нийтэд ил тод нээлттэй байлгах, эрдэмтэн багш судлаач, хуульчдад судалгааны ажил хийх, оюутан сурагчдад гарын авлага болгох, хуулийг нэг мөр, зөв хэрэглэх, жишиг тогтоох зорилгоор бүх шатны шүүхийн шийдвэрийн цахим сан /www.shuukh.mn/-г олон нийтэд нээлттэй ажиллуулж эхэлсэн. Цахим санд шүүхийн шийдвэр болон бусад мэдээллийг байнга тавьдаг учраас хандалт нь нэмэгдсэн үзүүлэлт гарчээ.

Монгол Улсын Шүүхийн ерөнхий зөвлөлөөс АНУ-ын Азийн сангийн "Засаглал ил тод байдлыг дэмжих" төслийн санхүүжилтээр иргэд, олон нийтэд чиглэсэн шүүхийн цахим сангийн хэрэглэгээг нэмэгдүүлэх, иргэдийн эрх зүйн боловсролыг дээшлүүлэх зорилгоор улсын хэмжээнд хамгийн баялаг өгөгдлийн сан бүхий бүх төрлийн таблет, ухаалаг гар утсанд тохирох аппликейшн хувилбарыг боловсруулсан. Shuukh" аппликейшн ашигласнаар бүх шатны шүүхийн шийдвэрийг үзэхээс гадна шүүхүүдийн байршлыг "google map" дээр үзүүлэн хэргийн харъяалал, утас факс, и-мэйл, цахим хуудас, улсын тэмдэгтийн хураамж, нэхэмжлэлийн загвар, хэргийн хөдөлгөөний үйлдэл, шинээр нэмэгдсэн шийдвэрүүдийн тоогоор дохио илгээх зэрэг мэдээллээр баяжуулж шүүхэд хандах иргэдийн цаг хугацааг хэмнэж шүүхийн мэдээлэл лавлагааны ачааллыг тодорхой хэмжээнд бууруулах боломжтой боллоо гэж тус шүүхээс хийсэн мэдээлэлдээ тодотгов.