Уг шалгаруулалтыг гэр бүлийн ариун нандин харилцааг эрхэмлэн дээдлэх үзлийг төлөвшүүлж залуу болон ахмад гэр бүлүүдийн амьдралд урам өгч дэмжин эерэг сайн талыг олон нийтэд сурталчлах зорилгоор  зохион байгуулж байгаа юм байна. Энэ зорилгын дор үндсэн зургаан  номинацаар шилдэг гэр бүлүүдийг шалгаруулахаар болжээ.

МГБАТ-ийн Дархан-Уул аймаг дахь салбарын захирал А.Оюунтунгалаг, “Манай төв нь Монголын гэр бүлийг алдаршуулах зорилгоор 2008 оноос эхэлж нийслэлийн 132 хороотой хамтран ажиллаж ирсэн бол харин 2010 оноос хойш Дархан сумын 18 багтай хамтран ажиллаж ирлээ. Энэ хугацаанд залуу гэр бүлүүдэд сэтгэл зүйн зөвлөгөө өгч нэн ядуу өрхийн онц сурдаг хүүхдүүдийг дээд сургуулийн сургалтын төлбөрийг нь буцалтгүй тэтгэлэгт хамруулах зэрэг ажлыг зохион байгуулсан. Энэ удаа бид Дархан сумаас нас насны төлөөлөл болсон 108 гэр бүлийг алдаршуулж өргөмжлөхөөр бэлтгэл ажилдаа ороод байна” гэв.