БНМАУ-ын маршал Г.Дэмидийн нэрэмжит Байлдааны гавьяаны Улаан тугийн болон Алтангадас одонт Зэвсэгт хүчний 186 дугаар анги, Барилга-инженерийн цэргийн Зэвсэгт хүчний 110 дугаар ангиудад 2024 оны 2 дугаар ээлжээр хугацаат цэргийн албанд татагдан ирсэн дайчдын “Цэргийн тангараг” өргөх ёслолын ажиллагааг зохион байгуулагдлаа.

Шинэ дайчдын “Цэргийн тангараг” өргөх ёслолд Хөвсгөл аймгийн Иргэдийн Төлөөлөгчдийн хурлын дарга Д.Пүрэвдорж болон цэргийн штабын дарга нар, Төрийн цэргийн болон хууль сахиулах байгууллагуудын захирагч, дарга нар, эцэг эхийн төлөөлөл, Зэвсэгт хүчний 186, Барилга-инженерийн цэргийн Зэвсэгт хүчний 110 дугаар ангиудын удирдлага, нийт бие бүрэлдэхүүн оролцлоо.

“Цэргийн тангараг” өргөх ёслолын ажиллагааг тохиолдуулан “Нээлттэй хаалганы өдөрлөг”-ийг зохион байгуулж Зэвсэгт хүчин, анги байгууллагын үйл ажиллагаатай танилцлаа.

Хөвсгөл аймгаас Зэвсэгт хүчний 186 дугаар ангид-40, Барилга-инженерийн цэргийн Зэвсэгт хүчний 110 дугаар ангид - 18 нийт 58 цэрэг татагдсан байна.

ЦЭРГИЙН ТАНГАРАГ БОЛ ЭХ ОРОНДОО ӨРГӨСӨН НАСАН ТУРШИЙН ТАНГАРАГ ЮМ.