Аймгийн иргэдийн Төлөөлөгчдийн Хурлын дарга Г.Мөнгөнхуяг, аймгийн засаг дарга П.Лхагважав нар олимпын мөнгөн медальт Б.Баасанхүүд баяр хүргэж түүний гаргасан амжилт, хичээл зүтгэлийг үнэлэн "2 өрөө" байраар шагнаж түлхүүрийг гардуулан өглөө.
Мөн түүний анхны багш ДМЦ сургуулийн багш А.Даваадорж, аймгийн БТСГ-ын багш Б.Очирбат нарт тус бүр 10 сая төгрөг олголоо.
Хөвсгөл аймгийн Мөрөн сумын харьяат Бавуудоржийн Баасанхүү нь 2024 онд жүдо бөхийн 48 кг-ийн жинд Дэлхийн аварга, “ПАРИС-2024" зуны ХХХIII олимпын мөнгөн медалийн эзэн болсон нь Хөвсгөлчүүдийн түүхэнд тэмдэглэгдэх үйл явдал болж Хоймор нутгийн нэрийг дэлхийн хэмжээнд цуурайтуулж чадлаа.
Тамирчны алдар бадартугай