Галдан бошгот хааны мэндэлсний 380 жилийн ойг тохиолдуулан улс, эх орныхоо хөгжил цэцэглэлтэд үнэтэй хувь нэмэр оруулсан төр нийгмийн нэрт зүтгэлтэн, Монгол улсын гавьяат багш Ж.Түмэнжаргал, аймгийн Засаг дарга асан, Монгол улсын гавьяат эдийн засагч Н.Дамба, УИХ-ын гишүүн, Батлан хамгаалахын сайд С.Бямбацогт нарыг Ховд аймгийн дээд шагнал “Галдан бошгот хааны нэрэмжит” шагналаар шагнах шийдвэрийг аймгийн ИТХ-ын "ХҮНДЭТГЭЛИЙН ХУРАЛДААН"-аас гаргасан
Үүний дагуу
Өнөөдөр /2024.08.02/ УИХ-ын гишүүн, Батлан хамгаалахын сайд С.Бямбацогтод хүндтэй шагналыг нь гардуулж баяр хүргэв.
Түүнчлэн Гавьяат хуульч Д.Ширэндэв,Хүний гавьяат эмч Ж.Даваабал,
Гавьяат жүжигчин, Уран нугараач Л.Энхцэцэг нарыг Ховд аймгийн "ХҮНДЭТ ИРГЭН"-ээр өргөмжиллөө.
Мөн аймгийн Засаг даргын захирамжаар Эрдэнэбүрэн сумын харьяат, Улсын алдарт уяач, Улсын Онц хилчин, Улсын тэргүүний анчин, малчин Ж.Цэен-ойдов,Төрийн туульч, МУСГЗ Э.Баатаржав,
Соёлын гавьяат зүтгэлтэн, туульч А.Балдандорж нарыг "Ховд аймгийн 100 эрхэм"-ээр өргөмжиллөө.
Нэр хүнд бүхий дээрх эрхмүүдийн шагналыг аймгийн ИТХ-ын дарга Г.Пүрэвганди, Засаг даргын үүрэг гүйцэтгэгч Х.Батболд нар УИХ-ын гишүүн, Батлан хамгаалахын сайд С.Бямбацогт, УИХ-ын гишүүн, Энхбатын Болормаа, Загджавын Мэндсайхан болон аймаг орон нутгийн удирдлагууд, аймгийн ИТХ-ын төлөөлөгчдийн хамтаар гардуулж баяр хүргэлээ.
