Аймгийн ИТХ-аас өнгөрсөн 3-р сард “Хөвсгөл Дулааны станц” ТӨХК-ийн төрийн өмчийн ашиглалт, дулааны эрчим хүч үйлдвэрлэлтийн байдал, хүчин чадлын талаар иргэд, иргэний нийгмийн байгууллагын хүсэлт шаардлагын дагуу олон нийтийг ил тод, бодитой мэдээллээр хангах, техникийн нөхцөлийн олголтын зөвшөөрөл, хяналтын асуудлаар ерөнхий хяналтын сонсгол байгуулсан.
Энэ ерөнхий хяналтын сонсголоор тус компанийн санхүүгийн болон техникийн үйл ажиллагааны талаар баримт нотолгоотой олон зөрчлүүд илэрч цаашид дулааны эрчим хүчээр хэвийн хангахад эрсдэл үүсэж болзошгүй байгаа тул Эрчим хүчний яамны Хяналт шинжилгээ үнэлгээ, дотоод аудитын газраар 2021-2023 оны үйл ажиллагаанд хяналт, шалгалт хийлгэх хүсэлт хүргүүлсэн.
Үүний дагуу Эрчим хүчний яамны Хяналт шинжилгээ үнэлгээ, дотоод аудитын газраас ахлах шинжээч Ч.Мөнхпүрэвээр ахлуулсан ажлын хэсэг манай аймагт ажиллахаар ирж аймгийн ИТХ-ын дарга Г.Мөнгөнхуягтай уулзлаа