Монгол Улсын төмөр замын салбарын хөгжил, Зүүн болон баруун босоо төмөр зам түүнд ажиллах боловсон хүчний эрэлт, хэрэгцээ нэмэгдэж байгаатай холбогдуулан "УБТЗ" ХНН-ээс ерөнхий боловсролын сургуулийн төгсөгчид болон ахлах ангийн сурагчдад зориулан "Мэргэжил сурталчлах өдөрлөг"-ийг Увс аймгийн "Ойрад ХЖТ"-т зохион байгуулж байна.Мэргэжил сурталчлах өдөрлөгийг зохион байгуулж буй ажлын хэсгийн ахлагчаар УБТЗ-Хувь нийлүүлсэн нийгэмлэгийн Вагоны аж ахуйн албаны дарга Болд, гишүүдээр УТЗДСургуулийн захирал У.Мягмарсүрэн, УБТЗ-ын Политехникийн коллежийн дэд захирал Ч.Туяа, УБТЗ-ын Хэмжил зүйн төвийн ерөнхий инженер Золбаатар, УТЗДС-ийн тэнхимийн эрхлэгч Ц.Мөнхбаяр, УБТЗ-ын Политехникийн коллежийн нийгмийн түншлэл олон нийт хариуцсан арга зүйч Ч.Гэрэлдэлгэр, Ахмад төмөр замчин Ядамсүрэн, Замын-Үүд өртөөний ачаа, вагон хүлээлцэгч Тэмүүлэн нарын бүрэлдэхүүнтэйгээр ажиллаж байна.
