Улсын #АВАРГА #тариаланчийн шагналыг УИХ-ын гишүүн, УИХ-ын дэд дарга Л.Мөнхбаатар, Аймгийн ИТХ-ын дарга Г.Мөнгөнхуяг, Аймгийн Засаг дарга П.Лхагважав болон сумын удирдлагууд гардуулан өгч баяр хүргэлээ.Улсын аварга тариаланч Ж.Бямбасүрэн нь "Дэлгэрэх шим" хоршооны тариаланч бөгөөд 3-5 га талбайд бүх төрлийн хүнсний ногоо тариалахаас гадна мал аж ахуй эрхэлдэг байна. Мөн өөрийн тарьсан болон бусад 20 орчим төрлийн хүнсний ногоо даршилж худалдан борлуулдаг хөдөлмөрч тариаланч юм.
Тэрээр 30 гаруй жил газар тариалангийн салбарт ажилласан хөдөлмөр зүтгэлээ төрдөө үнэлүүлж улиран одож буй Туулай жилдээ"УЛСЫН АВАРГА ТАРИАЛАНЧ" хэмээх эрхэм цолны эзэн болж сар шинийн босгон дээр шагналаа гардан авлаа.
