Хөвсгөл аймгийн Засаг дарга бөгөөд аймгийн Төсвийн ерөнхийлөн захирагч Пилжээгийн Лхагважав Төсвийн тухай 8 дугаар зүйлийн 8.5.1-д "аймаг, нийслэлийн Засаг дарга тухайн шатны жилийн төсвийн төслийг жил бүрийн 11 дүгээр сарын 25-ны дотор тухайн шатны иргэдийн Төлөөлөгчдийн Хуралд өргөн мэдүүлэх" гэж заасны дагуу 2024 оны төсвийн төслийг боловсруулж өнөөдөр буюу 2023 оны 11 дүгээр сарын 24-ний өдөр, Аймгийн Засаг даргын орлогч, АИТХ-ын төлөөлөгч М.Хуягбаатар, АЗДТГ-ын даргын албан үүргийг түр орлон гүйцэтгэгч Э.Улам-Өсөх, Санхүү Төрийн сангийн хэлтсийн дарга Г.Базар нарын хамт Хөвсгөл аймгийн иргэдийн Төлөөлөгчдийн Хурлын дарга Гүнширийн Мөнгөнхуягт өргөн мэдүүллээ.

2024 оны төсвийн төслийг 2023 оны 12 дугаар сарын 01-ний өдрийн ээлжит 23 дугаар хуралдаанаар хэлэлцэн батална.