Аймгийн иргэдийн Төлөөлөгчдийн Хурлын дарга Г.Мөнгөнхуяг болон Ажлын албаны хамт олон аймгийн ИТХ-аас өндөр насны тэтгэвэрт гарсан болон ажиллаж байсан ахмадуудаа "Олон улсын ахмадын өдөр"-ийн баярыг тохиолдуулан хүлээн авч хүндэтгэл үзүүллээ. Нутгийн өөрөө удирдах байгууллагыг чадавхжуулах, бэхжүүлэх үйлсэд үнэтэй хувь нэмэр оруулан ажиллаж ирсэн эдгээр хүмүүст ИТХ-ын өнөөгийн байдал, хийж хэрэгжүүлж буй ажил үйлсийнхээ талаар танилцуулан тэдэнд гарын бэлэг гардууллаа. Ахмадуудад хүндэтгэл үзүүлэн цаашид ахмадууд руугаа чиглэсэн үйл ажиллагааны талаар санал бодлоо солилцлоо.