100 жилийн түүхтэй энэ л өргөөнөөс Монгол түмний сайн мэдэх, бахархан дууриах МУ-ын Баатар-9, Төрийн шагналтан-9, Ардын цолтон-5, генерал-4, ШУ-ны гавьяат зүтгэлтэн-12, Гавьяат багш-32, Гавьяат эмч-26, Гавьяат жүжигчин-5, Соёл урлагийн гавьяат зүтгэлтэн-12, гавьяат хуульч-6, бусад салбарын гавьяатууд 37, Академич-1, ШУ-ны доктор 10, бусад салбарын доктор 142 төрөн гарсан бөгөөд төр нийгмийн зүтгэлтэн 33, Төрийн сайд-7, Элчин сайд-4, дэд сайд, агентлагийн дарга-4, аймаг, дүүргийн Засаг дарга 7 төрөн гарч, улс орныхоо хөгжил цэцэглэлтэд үнэтэй хувь нэмэр оруулж, шинжлэх ухаан, соёл боловсрол, хөдөө аж ахуй, эрүүл мэнд, бизнесийн салбаруудыг удирдан манлайлж явна.

Ховд хотын Буурал сургуультай амин холбоотой эх орныхоо 4 зүг, 8 зовхисоос зорин ирсэн эрхэм хүндэт зочид төлөөлөгчид, үе үеийн удирдлага, багш, ажилтан ажилчид, төгсөгчид, сурагчид та бүхэндээ зуны адаг сарын билэгт сайн өдрийн мэндийг өргөн дэвшүүлж түүхт 100 жилийн ойн баярын мэндийг хүргэе.