Архангай аймаг байгуулагдсаны түүхт 100 жилийн ойг угтсан ”Архангай-100 Бидний оролцоо” тохижилтын аяны хүрээнд Эрдэнэбулган суманд үйл ажиллагаа явуулж байгаа байгууллага, ААН, баг, айл өрхүүдийн дунд тэргүүний тохижилттой шилдэг өрх, шилдэг ААН, шилдэг баг шалгаруулах болзолт уралдаан зарлаж байна.
Болзолт уралдааныг 05 сарын 01-нээс 06 сарын 30-ны өдөр хүртэлх хугацаанд зохион байгуулна.
Айл өрх, ААН-үүд өөрсдийн байр, орон сууц, бие засах газар, хашаагаа засварлах, гэрэлтүүлэг, ногоон байгууламж, хог хаягдалгүй цэвэр цэмцгэр байх зэрэг шалгуур үзүүлэлтээр оролцох юм.
Багийн харьяа байгууллага, ААН-үүд айл өрхүүдийн идэвхийг өрнүүлж, тэргүүний тохижилттой багийг бий болгож өрсөлдөх юм.
