• Аймгийн ИТХ, түүний дэргэдэх Гэмт хэргээс урьдчилан сэргийлэх ажлыг зохицуулах салбар зөвлөл нь хамтарсан багийг арга зүй удирдлага зохион байгуулалтаар хангах, үйл ажиллагаанд нь хяналт тавих чиг үүрэгтэй ажилладаг. Энэ хүрээнд аймгийн ИТХ-аас, аймгийн ЗДТГ, ГБХЗХГ, “Монгол өрх” сэтгэл зүйн хүрээлэн хамтран “Хариуцлагатай хамтарсан баг” сургалт зохион байгууллаа.
• Аймгийн ИТХ-ын дарга Г.Мөнгөнхуяг сургалтыг нээж үг хэлэн сургалтаар авсан мэдлэгээ үр дүнтэй хэрэгжүүлж хүүхэд хамгааллын чиглэлд ахиц гаргаж ажиллахыг хүслээ.
• Сургалтад 38 хамтарсан багийн ахлагч, нарийн бичгийн дарга нар хамрагдаж хүүхдийн дээд эрх ашиг, яаралтай 8, зайлшгүй 8 тохиолдол, гэр бүлийн хүчирхийллийн эрсдэл өндөр байх 10 хүчин зүйлс, хүүхэд хамгааллын механизм, дадлага зураглал, хүний хөгжил- хамгаалал, хүүхдийн сэтгэл зүйн бүрэн бүтэн байдал, кейс менежмент хийх- 8-11 үе шат, хамтарсан багийн гишүүн бүрийн хуулиар хүлээсэн үүрэг, хариуцлага, хамтарсан багийн загвар хурал, шийдвэр- хяналт үнэлгээ гэсэн сэдвүүдийн хүрээнд мэдлэг ойлголт авч, дадлага ажил гүйцэтгэж, сертификат гардлаа.