Төв аймгийн Зуунмод хотын Захирагчийн “Цэмцгэр Зуунмод” бүх нийтийн цас, мөс цэвэрлэх 07 тоот албан даалгаварын хэрэжилтийг хангах хүрээнд байгууллага, аж ахуйн нэгжүүд гадна орчин тойрны 50 метр хүртэлх талбайн явган зам, автомашины зам, замын хөвөө, нийтийн эзэмшлийн гудамж талбайн цас, мөсийг цэвэрлэж, иргэд болон автомашинаар чөлөөтэй зорчих, бэртэж гэмтэхээс урьдчилан сэргийлж, аюулгүй орчныг бүрдүүлэн ажиллаж байна. Энэхүү ажилд Зэвсэгт хүчний 016 дугаар нэгтгэлийн хугацаат цэргийн алба хаагчид хүч нэмэгдүүлэн ажиллаж байгаа юм. Мөн “Төв АЗЗА” ТӨХК гурван автомашинаар зам хусах, шүүрдэх, давс цацах ажлыг хийж, гүйцэтгэж байна.

Иргэдийн эрүүл мэнд, аюулгүй байдлын төлөө цас, мөс цэвэрлэх ажилд идэвхтэй оролцож байгаа нийт аж ахуйн нэгж, байгууллагууд, хугацаат цэргийн албан хаагчид болон иргэддээ баярлалаа.